Autograph manuscript of his song 'Ye Banks and Braes O'Bonnie Doon':
Ye banks & braes o' bonie Doon,
How can ye bloom sae fresh & fair;
How can ye chant, ye little birds,
And I sae weary, fu' o' care,
Thou'lt break my heart, thou warbling bird,
That wantons thro' the flowering thorn:
Thou mindst me o' departed joys
Departed, never to return.
Aft hae I rov'd by bonie Doon,
To see the rose & woodbine twine;
And ilka bird sang o' its love,
And fondly sae did I o' mine.
Wi' lightsome heart I pu'd a rose,
Fu' sweet upon its thorny tree;
And may fause lover staw my rose,
But Ah, he left the thorn wi' me!
1 page, watermark of a hunting horn above the royal GR cypher, the top edge trimmed with slight irregularity, the stem of one descender and trace of another letter from the excised section present, guard on reverse of left-hand edge, a few very minor stains and creases, but overall in strikingly fine, fresh and attractive condition, irregular 4to, [c.1792]